Falemos ↗O universo dos efectos especiais, tamén na web. Deseño, desenvolvemento e integración de reservas para Monster Art, o espazo dos creadores de DDT, xunto a Cluster365.
WordPress
WORDPRESS · ELEMENTOR · RESERVAS
2025
Cluster365
Monster Art achega ao público o universo de DDT Efectos Especiales en Barcelona. Detrás están David Martí e Montse Ribé, gañadores do Óscar de maquillaxe por El laberinto del fauno. Un proxecto cultural cun imaxinario visual tan potente como a traxectoria dos seus creadores.
A través de Cluster365, o encargo combinaba a presentación desa experiencia cunha necesidade práctica: conectar o interese do visitante coa reserva e a compra de entradas.
Encargueime do deseño e do desenvolvemento da web en WordPress con Elementor, ademais da integración co sistema de reservas e venda de entradas.
A proposta visual apóiase nunha atmosfera escura e cinematográfica, coas criaturas e o traballo do estudo como protagonistas. O percorrido enlaza a historia do espazo, os seus creadores e a información para planificar a visita.
Unha web que presenta a experiencia de Monster Art e a conecta co seu sistema de reservas e entradas. Deseño, desenvolvemento e integración resoltos nunha mesma colaboración con Cluster365, para un proxecto que traslada o oficio do cine ao encontro co público.
